Unha colisión entre turismos en Vigo sáldase con dous feridos

Dúas persoas resultaron feridas nun accidente rexistrado este xoves en Vigo ao colisionar dous turismos e caerlles enriba un farol, o que obrigou a intervir os bombeiros para excarcerar un dos feridos.

   Segundo informou o 112, o sinistro rexistrouse sobre as 17,50 horas, cando varios cidadáns alertaron ao Centro de Atención ás Emerxencias 112 de Galicia de que se producira un accidente na avenida de Samil, na zona da praia da Fonte.

   O 112 pediu a colaboración de Urxencias Médicas, da Policía Local e de Protección Civil. Ademais, como a consecuencia do impacto, un dos ocupantes quedou atrapado nun dos vehículos accidentados, polo que se requiriu a presenza de efectivos de bombeiros.

   Tal e como manifestaron efectivos do corpo do parque de Teis, ata o lugar se trasladou unha dotación de primeira saída con catro bombeiros, un condutor e un mando, que excarceraron ao mozo, tras o que foi trasladado en ambulancia a un centro hospitalario.