Última semana para acollerse ao desconto do 5% por renovación rápida de abonos do Rio Natura Monbus

A campaña de abonados do Rio Natura Monbus achégase a unha das súas datas crave, o 30 de xuño, día no que finaliza o desconto do 5% por renovación ou creación de abono rápida, acumulable até agora a todos os demais que o afeccionado tivese.

A oferta, gozada polos xa moitos afeccionados que fixeron efectivo o seu abono para a nova tempada, aplicarase durante esta última semana tanto na renovación nas oficinas do club (Multiusos Fontes do Sar) como por internet a través da páxina web (www.obradoirocab.com).

A partir desta data, seguiranse mantendo todos os demais descontos, como o 30% para accionistas con dereito a el ou o 10% para os demais abonados. Continúa tamén o desconto dun 10% extra para o abonado que traia con el a un novo. Tamén poderán seguir gozando dos Prezos Reducidos fixados para eles os mozos menores de 18, estudantes menores de 25, parados de longa duración, maiores de 65 e federados do ámbito do baloncesto.

Todos os abonos poderán financiarse en cotas dun mínimo de 25 euros ao mes en prazos de 3, 6, 9, 10 ou 12 meses. O trámite, a realizar con calquera cartón de crédito de Novagalicia Banco, non terá ningún custo extra para o afeccionado, xa que o club correrá cos intereses da operación.

Por outra banda, lémbrase aos abonados da pasada tempada que terán o seu asento reservado até o 15 de xullo, data na que se liberarán para a nova venda si non foron renovados.