Tres galegas participaron no partido das estrelas feminino

Tres galegas participaron hoxe en Cidade Real no partido das estrelas 2014 feminino, no que se enfrontaron a selección española e un combinado da liga da máxima categoría.

Así, Begoña Fernández formou parte da selección española, mentres que as xogadoras galegas Estela Doiro (Atlético Guardés) e Sandra Costas (BM Porriño) estaban incluidas no combinado da División de Honra Feminino. Partido especialmente emotivo para Begoña, que se despedía así da selección española, tras case 200 partidos coma internacional e coa  medalla de bronce nos Xogos Olímpicos de Londres coma principal logro deportivo coas “Guerreiras”. Emocionante despedida para a viguesa!