Servizos sociais da Laracha distribuirá os 300 quilos de alimentos doados por Cultiagro

A empresa de produtos agrícolas Cultiagro-Seragra –cuxo local comercial se sitúa na larachesa Avenida Fisterra- doou ao Concello da Laracha máis de trescentos quilos de alimentos que o departamento de servizos sociais distribuirá entre as familias do municipio que dispoñen de recursos económicos limitados.

José Ramón Martínez Barbeito, primeiro tenente alcalde, e Carmen Seoane, técnica de servizos sociais, recolleron este mediodía os máis de douscentos quilos de patacas achegadas pola citada empresa. Nos próximos días tamén serán entregados uns cen quilos de fresas.

Desde o Concello da Laracha aplaudimos e agradecemos a colaboración de Cultiagro-Seragra en beneficio dos nosos veciños máis necesitados, que se une a outras iniciativas solidarias impulsadas tanto por empresas privadas como por clubs e asociacións que se levan a cabo no noso termo municipal ao longo de todo o ano.