Salvaterra acollerá unha xornada de arte no parque que se prolongará ata agosto

O próximo  14 de xuño ábrese no Parque Público A Canuda de Salvaterra de Miño unha xornada de arte que durará ata o 3 de agosto.

Co lema “ARTE NO PARQUE” ábrese una xornada de mais dun mes onde tres artistas exporán as súas obras na aula de Audiovisuais do Parque Público A Canuda.

Xesús Franco,  exporá do 14 ao 29 de xuño

Xesús Franco, escritor,    ten  como  vocación  a pintura.   Pinta   sobre ferro,  madeira,  pedra ou   lenzo,   mesturando   técnicas; acrílico,   esmalte  en  frío,  verniz,  tintas…  Con numerosas exposicións  en Galicia,  preséntase en Salvaterra, onde vive hai anos.

Rosa Porto, exposición do 3 ao 20 de xullo

Nacida e  afincada en Salvaterra  de   Miño, Rosa   descubre a súa  curiosidade dende moi pequena  polo  debuxo e a pintura.  Esta inquietude é a que a leva a ser autodidacta  neste  campo  dende a súa infancia. Nos  seus cadros podemos apreciar as  súas  emocións  e  os diferentes estados de ánimo polos que atravesa.

Luís Iván, do 24 ao 3 de agosto

“Luís Iván Estévez. é un pintor pontevedrés, xove e pouco convencional. Nas súas composicións albíscanse as influencias del cómic e da fantasía”