Remata o prazo para renovar os abonos do Rio Natura Monbus co 5% de desconto

O desconto do 5% do prezo do abono que o Rio Natura Monbus realiza durante o primeiro mes de campaña toca ao seu fin mañá luns 30 de xuño. Será a última xornada na que os abonados que acudan a renovar ou crear o seu carné ás oficinas do club ou o fagan por internet, poidan gozar desta oferta adicional a todas as demais que lle pertenzan.

O horario de renovación nas oficinas do club (Multiusos Fontes do Sar) será o habitual, de 10:00 a 14:00 pola mañá e de 17:00 a 20:00 pola tarde. Mentres, a través da páxina web do club (www.obradoirocab.com) o desconto estará vixente até as 00.00 horas.

A partir desta data, seguiranse mantendo todos os demais descontos, como o 30% para accionistas con dereito a el ou o 10% para os demais abonados. Continúa tamén o desconto dun 10% extra para o abonado que traia con el a un novo. Tamén poderán seguir gozando dos Prezos Reducidos fixados para eles os mozos menores de 18, estudantes menores de 25, parados de longa duración, maiores de 65 e federados do ámbito do baloncesto.

Ademais, os abonados da pasada tempada terán dúas semanas máis para renovar na súa mesmo asento, reservado até o 15 de xullo.