Remata o II Campus de Porteiros do Santiago Futsal

Hoxe termina o II Campus de Porteiros que organizou o Santiago Futsal e no que participaron un total de 20 nenos e nenas de toda Galicia co obxectivo de mellorar a súa técnica específica como porteiros de fútbol sala, e apoiados polos mellores monitores.

A xornada de hoxe culminou coa tradicional entrega de diplomas entre os asistentes, entre os que se entregaron diplomas aos porteiros/as máis destacados en diferentes categorías, como o porteiro máis áxil, ao máis traballador, ao máis técnico, ao máis simpático e ao mellor compañeiro.

Así, dáse por finalizada esta segunda edición do Campus de Porteiros, lembrando que a partir do próximo Luns comeza o Campus de Verán do Santiago Futsal, do que aínda quedan prazas. Será do Luns 16 ao Venres 20 en horario de 16h a 20h. Para apuntarse poderá enviarse un correo electrónico a administracion@santiagofutsal.com.