Promoción dos produtos da pesca na Praza de Abastos da Guarda

Está mañá tivo lugar na Praza de Abastos Municipal da Guarda a xornada de dinamización dos Mercados e Produtos da pesca, baixo o lema: EMPRÁZATE. Iniciativa que forma parte da campaña que o GAC Ría de Vigo-A Guarda está levando a cabo nos municipios da Ría de Vigo durante o mes de xuño.

Os pupilos de cuarto curso de educación primaria dos colexios Sinde, A Sangriña e Nicolás Gutiérrez Campos (Solanas) participaron en dous obradoiros, nos que guiados por biólogos familiarizáronse cos productos do mar e as distintas especies. Ademais, coñeceron os beneficios e propiedades nutricionais dos peixes e visitaron os distintos postos da Praza para observar a elaboración dun sinxelo menú.

O alcalde da Guarda, José Manuel Domínguez Freitas, e a Concelleira de Turismo, Montserrat Magallanes Álvarez, estiveron presentes observando como os alumnos dos diferentes colexios participaban nos obradoiros, sendo mariñeiros e mariscadores, pescando ou investigando na area.