Pagamanto pola expropiación das comunidades de Montes de Tenorio e Viascón

O pasado día 3 de xuño, no Salón de Plenos do Concello de Cotobade procedeuse por parte da Xefatura Territorial da Consellería de Economía e Industria ao pagamento do prezo xusto pola expropiación forzosa de bens e dereitos expropiados ás Comunidades de Montes de Tenorio e Viascón pola execución do proxecto “LMT CT RBT O Mallo”.

Este proxecto contará coa instalación dunha liña de media tensión, un centro de transformación así como o reforzo da rede de baixa tensión para o suministro eléctrico da zona.

Por outra banda o Concello de Cotobade acaba de autorizar a realización do proxecto LMT CT RBT Cuiñas, con un importe total de 122.791’97 € e levarase a cabo a instalación de liña de media tensión aérea, liña de media tensión subterránea, centro de transformación para mellorar a calidade da subministro eléctrico no núcleo rural de Cuiñas (Viascón).