Os socialistas censuran que Currás substitúa por vasalos do PP ao resto de membros da lista de Santiago

O voceiro parlamentario do PSdeG, José Luis Méndez Romeu, censurou a situación política que afronta o Concello de Santiago onde, asegurou, “estase a producir unha burla a principios de democracia que afecta a todos cidadáns de Galicia”.

“Porque o que se está a producir ante os ollos de todos os cidadáns é un xogo de trileros. Estase escamoteando aos representantes electos polos cidadáns para confabular listas para a gobernación do Concello. Están sendo substituídos por empregados, por vasalos do Partido Popular carentes de calquera tipo de mandato ou lexitimidade”, denunciou en rolda de prensa.

Ao respecto, a liña seguida, o voceiro parlamentario dos socialistas galegos preguntouse: “¿ Que acontece cos demais membros desa lista? ¿Están impedidos? ¿Son incapaces? ¿Van a ser tamén imputar? ¿Non son cualificados? ¿Ou estamos a asistir a unha loita feroz nas bambalinas do poder pola busca de cargos?”.

Méndez Romeu recordou que entre esas persoas que constitúen a lista electoral do PP á Casa do concello da capital galega “hai membros electos” noutras cámaras”.

Ao seu xuízo, as que se dan nesta cidade “son situacións moi graves que, dende logo, explican”, xunto con outras, que exista no momento actual un fonda desafección na sociedade galega cara á gobernación”.