Os pinceis escolares retratan aos bombeiros de Pontevedra

A pasada semana reuniuse o xurado do Concurso de debuxos escolares sobre os Bombeiros de Pontevedra. Trátase dunha actividade que anualmente pon en marcha o Servizo de extinción entre os centros de ensino do concello e que se enmarca dentro dos actos de celebración do patrón dos bombeiros.

Nesta ocasión participaron escolares dos Ceip Campolongo, Sagrado Corazón, Nuestra señora de los Dolores, San José, Parada-Campañó e Álvarez Limeses.

O debuxo gañador foi o de Guillermo Jose Lariño, estudiante de 1º de Primaria de Nuestra Señaora de los Dolores, de Pontevedra.

O premio consistirá nunha visita ao Parque de Bombeiros para o gañador e para toda a súa clase, así como un agasallo relacionado cos bombeiros.

O xurado tamén destacou o traballo de José Luis Penide Martínez, de 1º de Primaria do Ceip Campolongo, que elaborou un dossier que recollen os seus desexos de “si eu fose bombeiro…”.