Os equipos benxamín e alevín da ED Burela FS participarán no IX Torneo Base Cidade de Betanzos

Os equipos benxamín e alevín da ED Burela FS participarán no IX Torneo Base Cidade de Betanzos que se celebra os días 20, 21 e 22 de xuño. O torneo da cidade coruñesa, organizado polo Troula FS, é un clásico e un referente do fútbol sala de base ao que os equipos laranxas acoden cada tempada. Nas últimas edicións o evento especializouse nas categorías benxamín e alevín, mostrando un gran nivel deportivo e unha gran convivencia entre os clubs participantes. 

No torneo participan oito equipos por categoría e clasifícanse os dous primeiros de cada grupo para semifinais. A xornada do venres 20 comezará ás 18.00 horas e acaba ás 23.00. O sábado entrarán en liza os equipos da ED Burela FS, nunha xornada que se inicia ás 9.00 horas para finalizar ás 00.00 horas. As semifinais xóganse o domingo 22 durante a mañá, mentres que as finais celebraranse pola tarde; 16.30 horas final de benxamíns e 17.30 horas final de alevíns.

GRUPOS
CATEGORÍA BENXAMÍN
Grupo A: CP CASAS, O PARRULO FERROL FS, 5 CORUÑA FS, TROULA BETANZOS FS.
Grupo B: CLUB DO MAR, CIDADE DE NARON FS, ED BURELA FS, AZKAR LUGO FS

ED Burela FS: Alejandro Bermúdez, Noel, Anxo, Lucas, Pablo, Pedro, Alejandro Altamirano, Martín, Javi, Yago Ares. Adestrador: Benito Repiso

CATEGORÍA ALEVÍN
Grupo A: 5 CORUÑA FS, O PARRULO FERROL FS, ED BURELA FS, AZKAR LUGO FS
Grupo B: D’SEMPRE CAFE, CIDADE DE NARON FS, AZKAR LUGO FS “B”, TROULA BETANZOS FS

ED Burela FS: Pablo, Nico, Diego, Antonio, Pol, Alex, Anxo, Dani e María.

Adestrador: Carlos Moreno.