Oleiros solicita o amaño do paseo perimetral do castelo de Santa Cruz

O paseo do contorno do castelo de Santa Cruz atópase deteriorado pola acción dos temporais do pasado inverno, o que impide que os cidadáns poidan gozar desta infraestrutura. O paseo do contorno do castelo, conta desde a súa parte traseira cunha das vistas máis espectaculares da baía coruñesa. Neste punto dúas pasarelas de madeira e parte do muro perimetral atópanse deteriorados pola acción do mar. O que obriga a mantelo fóra de uso por encontrarse intransitable.

Esta obra que se atopa en zona marítimo-terrestre, será realizada pola Xefatura de Costas, quen incomprensiblemente se encontra pendente dun informe de Patrimonio para tratar os traballos. O alcalde de Oleiros, Ángel García Seoane, considera que para reparar un muro e repoñer dúas pasarelas de madeira non se pode necesitar un informe, e, de todos modos, este non se pode demorar tanto.