O Umia F.C. aposta pola canteira co seu I Campus de Fútbol formativo

O Umia F.C. confirma a súa aposta pola canteira organizado este verán o I Campus de Fútbol formativo. Está iniciativa, na que colaboran o Concello de Ribadumia e a Deputación de Pontevedra supón unha aposta especial de fútbol e idiomas durante os meses de vacacións escolares. Está dirixido a nenos e nenas de entre 5 e 12 anos e o obxectivo é que se poida fomentar a aprendizaxe do inglés a través da práctica do deporte. Desenvolverase no campo de Fútbol de Barrantes e terá lugar nos meses de xullo e Agosto.

Impartido por adestradores e monitores titulados, contará cunha completa programación de actividades ademais do futbol como clases de inglés, actividades multideportivas e natación. As inscricións inclúe equipación para cada neno e as merendas das 11:00 da mañá.

O período de inscrición está aberto ata o 10 de xuño nas oficinas do Umia Fútbol Club ou nos teléfonos 626 301 532 e 679 291 075, impartirase nos meses de xullo e agosto en horario de 08:30 a 14:30, e o prezo e de 80€/mes, sendo as prazas limitadas.