O Teatro Jofre acolle o concerto didáctico “Unha historia da música”

A Concellería de Cultura do Concello de Ferrol, que dirixe Manuel-Reyes García Hurtado, organiza este domingo, día 29, un concerto didáctico para toda a familia que terá lugar no Teatro Jofre. O espectáculo “Unha historia da música” dará comezo ás 18:00 horas e as entradas para asistir ao espectáculo poderán ser adquiridas no despacho do teatro municipal ou a través da páxina web: www.ferrol.es (apartado Axenda Cultural).

O grupo de metais Santa Cecilia, un quinteto de vento integrados por varios membros da Orquestra Sinfónica de Galicia, ofrece este concerto didáctico onde a familia de vento metal interpretará pezas claves na historia da música. Este espectáculo pretende dar a coñecer a riqueza sonora que posúen estes instrumentos a través de compositores clásicos como Bach ou Mozart así como de temas de jazz, blues, pop ou música de cine.