O rexedor de Monforte asegura que o pago da defensa do concelleiro foi segundo o establecido pola lei

O alcalde de Monforte (Lugo), Severino Rodríguez, defendeu este martes a legalidade do pagamento da defensa a un edil, denunciada polo Partido Popular. “O Concello de Monforte fai, dende que son eu alcalde, todo segundo o establecido pola lei”, sentenciou o rexedor.

Segundo apuntou Severino Rodríguez, o caso sacado á luz polo PP “procede da denuncia dun particular, que ademais ocasionou a celebración dun pleno extraordinario en Monforte de Lemos onde se fixeron unhas acusacións infundadas e despois foron arquivadas polo xulgado”.

Os feitos teñen que ver coa concesión dunha licenza, en febreiro de 2011, unha causa que foi arquivada polo xulgado un mes despois da súa apertura.

Para o alcalde monfortino, “o que pasa é que o PP quere ocultar as súas propias miserias, porque a corrupción do Partido Popular é solo do Partido Popular”. “O concello de Monforte fai, dende que eu son alcalde, todo segundo o establecido pola lei e ese pagamento fíxose porqué a lei así establéceo e así hai que facelo”, ratificou.

FOI ARQUIVADA

En particular, Severino Rodríguez recordou que a denuncia contra o concelleiro correspondía ao “exercicio dos seus cargos públicos” e que, posteriormente, foi arquivada. Por iso, acusou os populares de “mentir, difamar e tratar de ocultar as súas miserias”, con esta información.

“Eu creo que o Partido Popular e atreveríame a dicir que máis que o PP, a voceira Julia Rodríguez, o que debería de facer é informarse, porque se un non se informa ten bastantes posibilidades de mentir ou difamar”, criticou.

Severino Rodríguez emprazou á voceira popular a que se pregunte que “se alguén denuncia a unha persoa que ostenta un cargo público no exercicio do seu cargo e despois o xulgado arquiva o asunto ou di nunha sentenza que eses cargos públicos non fixeron nada ilegal nin anormal, ¿quen aboa a defensa deses cargos públicos?”.

“A resposta sábea o Partido Popular e sabe que se fai en todos os concellos igual, é o que establece a lei. Esa defensa a paga cando o cargo público non é culpable, a paga a administración”, sentenciou.