O estradense Óscar González proclámase campión de España contra-reloxo

Óscar González no podio

Óscar González, da Estrada, é o novo campión de España contra-reloxo sub23 tras a disputa da primeira proba dos Nacionais de Ponferrada, cun percorrido de 29 quilómetros, avantaxando en 6 segundos a Juan Camacho (Castela-A Mancha) e en 12 a Marc Adoitar (Cataluña). Jon Ander Insuasti (Euskadi), para moitos o gran favorito, quedaba a 2 segundos do podio, con Arnau Adoitar (Cataluña) completando o top cinco.

“Con 60 quilos e nun percorrido tan chairo, non me vía. Pero collín pulsaciones e até o final”. No entanto, o feito de que o vento apenas soprase para ninguén puido xogar ao seu favor, polo seu peso, e en contra doutros corredores máis potentes como o propio Camacho, que de ser campión junior o ano pasado en Murcia pasaba a este subcampeonato na súa primeira campaña como sub23.
Dos outros seleccionado galegos, Antonio Portela tamén fixo un boa crono no seu primeiro ano na categoría e clasificouse no posto 12º e Roberto Mediero no 27º.

Desde o primeiro momento chegaron as felicitacións a Óscar desde todos os puntos de Galicia e de España, así como as chamadas dos medios de comunicación, dirixentes deportivos e autoridades que quixeron interesarse pola noticia, ben por vía telefónica, por mensaxes e persoalmente en Ponferrada.

Na categoría Elite, o Froiz tamén está de parabén pois tamén levará a camisola de Camipeón de España José Antonio de Segovia. Tamén houbo participación galega nesta categoría.

Alejandro Valverde foi o mellor profesional con triplete de Movistar.