O departamento de xuventude de Vilagarcía publica as listas de admitidos nos campamentos urbanos de verán

A Concellería de Xuventude publicou hoxe a listas provisionais de nenos e nenas admitidos nos Campamentos Urbanos de Verán 2014. En total solicitáronse 89 prazas das 100 ofertadas polo departamento que dirixe Sandra García. Como rexistrouse máis demanda no campamento da Lomba, os nenos que non entren no cupo poderán reubicarse no do Piñeiriño, onde o número de solicitudes non chegou ás 50.

As listas provisionais poden consultarse nas dependencias da Concellería ou no taboleiro de anuncios da web municipal.

Das 50 prazas ofertadas en cada un dos dous campamentos que porá en marcha a Concellería , no da Lomba presentáronse 60 solicitudes, mentres que para o do Piñeiriño só se rexistraron 29. Dada esta circunstancia, unha vez cuberto o cupo de 50 nenos no campamento da Lomba, os 10 que quedan fora poderán igualmente acceder a este servizo municipal cubrindo as vacantes que existen no do Piñeiriño, sempre que así o indiquen no departamento de Xuventude.

Dado que neste último obterán praza todos os demandantes, a Concellería só abre un prazo de presentación de reclamacións á lista da Lomba. As familias interesadas dispoñen de tres días (do 12 ao 14 de xuño) para alegar o que crean convínte. No caso de empate priorizarase ao solicitante de menor idade, tal como se recolle nas bases do servizo de Campamentos Urbanos para o ano 2014.