O conselleiro delegado da nova NCG cobrará un máximo de 500.000 euros

NCG Banco, que este xoves anuncia nun acto público en Santiago a súa nova marca, solo terá un conselleiro executivo, Francisco Botas Ratera, e, polo tanto, un único membro do seu consello de administración poderá cobrar un tope máximo de 500.000 euros.

Botas Rateira foi nomeada conselleiro delegado oficialmente este mércores, na primeira reunión do consello de administración, e, segundo consta este xoves na comunicación que trasladou a entidade á Comisión Nacional do Mercado de Valores (CNMV), foi designado conselleiro executivo.

Na xunta de accionistas celebrada por NCG o luns na Coruña aprobouse impoñer límites nas retribucións que consisten nun máximo anual de 100.000 euros por axudas de custo – para os conselleiros – e de 500.000 euros por salario – para os conselleiros executivos – .

Así as cousas, o consello de administración da nova NCG, composto por nove persoas -falta por designar a dous-, terá un custo total máximo de 1,3 millóns de euros ao ano.

Polo momento, a primeira reunión do consello de administración, un acto protocolario tras a sinatura do traspaso accionarial co Fondo de Reestructuracón Ordenada Bancarias (FROB), ratificou o nomeamento dos sete primeiros nomes que compoñen o consello, catro dominicais -que representan a Banesco, accionista principal- e tres independentes.

Os catro primeiros son o presidente da nova NCG, Javier Etcheverría; o vicepresidente, Juan Carlos Escotet; Francisco Botas, conselleiro delegado -tamén conselleiro executivo- e o vogal Raúl Baltar. Os outros tres -independentes- son os vogais Pedro Raúl López Jácome, Carina Szpilka e Miguel Ángel Carpriles López.

Falta por nomear outros dous conselleiros independentes, polo cal polo momento o custo límite do consello de administración se sitúa en 1,1 millóns. A entidade indicou que estas designacións se farán durante “as próximas semanas”.