O Compostela Actúa chega ao fin de curso cunha gran gala

Este mércores 25 de xuño, ás 19:00 horas, o Teatro Principal acolle o concerto final de curso dos participantes do programa municipal Compostela Actúa. Este programa, organizado pola Concellería de Xuventude, está composto por tres disciplinas: teatro (grupo Cuarta Parede); grupo musical instrumental (The Candidates) e o coro (Glee Club), nas que participan 50 mozos e mozas da cidade. Foron seleccionados tras pasar un casting en novembro de 2013, ao que se presentaron máis de 130 candidatos. Os diferentes grupos teñen un ensaio semanal titorizado por varios maestros con ampla experiencia nos ámbitos traballados.