O Club EFB Cangas organiza un torneo de futbol base en Montecarrasco

O Club Escola de Fútbol Base Cangas organiza esta fin de semana un Torneo para as categorías biberón, prebenxamín e alevín no campo de fútbol de Montecarrasco. A proba comezará ás 14.00 horas e contará coa participación de 130 futbolistas repartidos en 11 equipos nas diferentes categorías representando a clubs como Beluso C.F., S.D. Meniños do Morrazo, E.F.B. Rodeiriña, Mondariz F.C. Vigo e o Racing de Castrelos. A inscrición é gratuíta. Esta previsto que a entrega de premios teña lugar ás 20.30 horas no que previsiblemente estará presente un famoso futbolista da comarca.

Ademais o sábado 21 terá lugar o Torneo para as categorías benxamín e infantil para o cal está aberto o prazo de inscrición ata o martes 17 de xuño. Aqueles interesados en participar poden achegar a inscrición a o correo efbcangas@gmail.com ou ao teléfono do club 659.83.82.30.