O Centro Comercial Arousa acollerá exhibicións e campionatos de trompo acrobático

O Centro Comercial Arousa acollerá tres exhibicións de peonza acrobática dirixidas ao público infantil e ofrecidas polo Campión do Mundo de Trompo Artístico 2012, o mexicano Carlos Solís, os próximos sábados 7, 14 e 21, de 17:30 a 19:30 h., na 1ª planta.

Durante os espectáculos, Solís cegará aos asistentes coa súa habilidade e destreza para manexar o trompo e realizar con el todo tipo de figuras e espectaculares xogos malabares.

Os máis pequenos terán ademais a oportunidade de aprender multitude de trucos para lanzar e facer bailar o trompo como un auténtico especialista, ademais de presenciar en directo movementos básicos, como o dormilón ou a randeeira, en combinación con outros dunha gran complexidade e precisión técnica, como o ascensor tolo, o minilátigo ou o carrusel.

Ao termino de cada exhibición, os nenos de entre 4 e 13 anos poderán participar nunha divertida competición na que se premiará aos xogadores que consigan manter o seu peonza virando no chan durante máis tempo, con diferentes obsequios –camisetas, balóns, Trompos Cometa, 1 tablet de 7 polgadas…-.

A diferenza dos peóns tradicionais de madeira, as peonzas acrobáticas están fabricadas en plástico, o que lles achega unha maior lixeireza, velocidade e facilidade de movemento para a realización de trucos aéreos e terrestres.