O campus de verán da Fundación Azkar xa ten cubertas o 40% das súas prazas

A Fundación Azkar celebra do próximo 23 ao 27 deste mes de xuño o seu 5º Campus Futsal Multideporte o cal celebrarase na localidade pontevedresa de Vilagarcía de Arousa. Actualmente o 40% das prazas xa están cubertas desde que a finais do pasado mes de maio se abrira o prazo de inscripción. Este campus está dirixido a nenas e nenos nados entre os anos 2000 e 2005.

O prazo de inscripción para poder participar nesta actividade segue aberto ata completarse o total das prazas ofertadas. Os interesados poden solicitar máis información chamando aos teléfonos 982 209 639 ou 686 932 293 ou na dirección de correo electrónico: planificacion@pronelugoad.com

Cotas do Campus
Existen tres modalidades para poder gozar do Campus:
– Pensión completa: 240 € (aloxamento, manutención completa, adestramentos e actividades).
– Con comida: 125 € (comida, adestramentos e actividades).
– Só adestramentos: 90 € (adestramentos e actividades).