O alcalde de Cangas traslada ao Xefe Territorial de Medio Ambiente as queixas veciñais polo asfaltado e pintado da PO-551

O alcade de Cangas reuniuse esta mañá ao Xefe de Carreteiras Fausto Núñez e ao Xefe Territorial de Medio Ambiente José Luis Díez. Durante o encontro Sotelo transmitiulles a multitude de queixas realizadas polos veciños e veciñas de Cangas en relación co asfaltado e pintado da PO-551, polo que lles requeriu o urxente pintado desta estrada dada a perigosidade do tramo urbano desta carreteira.

Ante este requerimento, tanto o Xefe de Carreteiras coma o Xefe Territorial de Medio Ambiente confirmaron que nos próximos días procederase ao pintado desta estrada.

Obras no corredor

En canto ás obras que se están a realizar no Corredor do Morrazo,confirmaron ante o alcalde que previsiblemente esta semana finalizarán os traballos da parte do corredor que pertence a Moaña, mentres que no tramo de saída cara Bueu e de acceso a Aldán a obra complicouse máis do que estaba previsto polo que os técnicos estiman que os traballos rematarán nun prazo de entre dúas e tres semanas.