O accidente dun camión na AP-9 obriga a cortar a circulación durante tres horas

O accidente dun camión sobre as 11,50 horas deste domingo obrigou a cortar a circulación na AP-9, que non se continuou ata pasadas unhas tres horas aproximadamente.

   O accidente do camión, que perdeu parte da súa carga, produciuse á altura do quilómetro 151, no acceso á cidade de Vigo, segundo indicaron fontes do destacamento de Tráfico da Guarda Civil da cidade olívica.

   Ata o lugar dos feitos desprazáronse os bombeiros de Vigo, que tiveron que limpar o carril no que se accidentara o camión para que se puidese restablecer o tráfico.