Mellora do tráfico na urbanización Caavamontes
O Concello de Oleiros comezou esta mañá a obra de reordenación do tráfico na rúa Somalia e parte da rúa Nelson Mandela, na urbanización Caavamontes. Esta nova actuación nas inmediacións do Mercado de Perillo completa unha executada anteriormente coa que se crearon unhas vinte prazas de estacionamento. O obxectivo destas dúas fases é mellorar o contorno deste espazo municipal.
Grazas a esta actuación preténdese levar a cabo a creación de dezanove novas prazas de estacionamento na zona, o que suma un total de 40. A obra inclúe novos cambios do sentido de circulación na rúa Somalia e nun tramo da rúa Nelson Mandela. O Goberno local xa informou por escrito aos residentes na zona.