Máis de 150 científicos asistirán ao VI Congreso Ibérico da Ciencia do Solo en Santiago

Santiago de Compostela acolle desde o luns, 23 de xuño, o VI Congreso Ibérico da Ciencia do Solo (CICS2014), ao que asisten máis de 150 científicos.

Está organizado pola Sociedade Española da Ciencia do Solo (SECS) e a súa Delegación en Galicia, a Sociedade Portuguesa da Ciencia do Solo (SPCS) e a Universidade de Santiago de Compostela (USC).

O Consello Superior de Investigacións Científicas (CSIC), que conta con grupos de investigación en Galicia e no resto de España dedicados ao estudo do chan, colabora e está presente no comité organizador e científico. Así, durante o evento, científicos de diversos centros do CSIC presentarán os resultados das súas últimas investigacións achega do efecto dos incendios forestais sobre o chan e a avaliación da calidade de diversos chans tras o impacto de diversas prácticas agrícolas.