IV Torneo de Padel Cidade de Ferrol do 21 ao 28 de xuño

A concelleira de Deportes do Concello de Ferrol, Susana Martínez Galdós presentou esta mañá o IV Torneo de Padel Cidade de Ferrol que se celebrarán do 21 ao 28 de xuño nas instalacións deportivas do Casino Ferrolán Tenis Club. A edil estivo acompañada por un dos organizadores do evento deportivo, Félix Alonso.

O torneo desenvolverase en categorías masculina, feminina, mixta e veteranos de máis de 40 anos, e a suma mínima dos dous xogadores será de 85 anos. O prazo de inscrición para o torneo de padel será ata o mércores 18 de xuño, os interesados poderán formalizar a súa solicitude e obter máis información a través da páxina web: www.doblered.net.

A edil de Deportes manifestou que “de seguro será un éxito de organización e participación dado o gran número de practicantes que este deporte ten en toda Ferrolterra”. Pola súa banda, Félix Alonso, un dos organizadores do evento, quixo agradecer a colaboración do Concello de Ferrol.