Gondomar celebra o Día Europeo da Música cun concerto dos alumnos do Conservatorio

Con motivo do “Día Europeo da Música”, a Concellaría de Educación do Concello de Gondomar organiza un concerto a cargo dos alumnos do Conservatorio Elemental de Músicapara o vindeiro sábado 21 de xuño, ás 12.00 horas da mañá, na Alameda da praza do Concello.

Neste concerto participarán, seguindo esta orde, os alumnos de 4º curso interpretando diferentes pezas para conmemorar o “Fin de grao”; grupos de vento-madeira; a orquestra mixta do centro formada por alumnos/as de tódolos cursos e especialidades e, por último, actuarán en conxunto a orquestra e o coro do conservatorio.