Fin de semana cargado de éxitos deportivos das EDC Verín Fútbol, Fútbol-Sala e Atletismo

Este fin de semana disputouse a final da Copa Galicia de Fútbol Sala, na categoría de cadete, na que se enfrontaron o Burela e o EDC Verín, que tras un partido disputado venceu por 3 goles a 0, acadando así a Copa Galicia desta tempada.

A final entre os lucenses e verinense disputouse no Pavillón Municipal da cidade de Lugo, á que os integrantes do EDC Verín Fútbol-Sala accederon tras eliminar previamente ao equipo O Parrulo de Ferrol, e conseguir ser o vencedor do grupo 2 da fase de liguilla, tras gañar a formacións como o Azkar de Lugo ou ao equipo ferrolano por 6 a 2. Ademais o equipo verinense alcanzou o meritorio terceiro posto na Liga Galega..

Tamén este fin de semana tiveron lugar outros partidos das EDC de Fútbol nos que participaron os equipos de infantil, alevín, benxamín e prebenxamín. No da categoría de infantil, a formación verinense enfrontouse ao Lérez de Pontevedra na eliminatoria decisiva da fase de ascenso á Liga Galega Infantil, no que se obtivo un empate a dous. O equipo alevín A disputou a fase final do Campionato Galego en Portas (Pontevedra), no que rematou oitavo da zona sur Pontevedra-Ourense e entre os dezaseis mellores de toda Galicia, nunha categoría na que participan máis de 180 equipos galegos. O equipo benxamín A tamén participou na fase definitiva do Campionato Galego en Monforte (Lugo), acadando o terceiro posto da zona sur Pontevedra-Ourense, tras o Celta de Vigo e Areosa, e entre os seis mellores da comunidade autónoma nunha competición da que forman parte máis de 170 equipos. E xa o equipo prenbenxamín tamén xogou a fase final de devandito Campionato Galego en Ourense, conseguindo o sexto posto na zona sur Pontevedra-Ourense e colocándose entre os doce mellores de toda Galicia, nunha categoría na que participan máis de 150 formacións.

Fin da tempada do EDC Atletismo

Por outra banda, integrantes das EDC Atletismo participaron este fin de semana na terceira proba puntuable do circuíto “Correndo por Ourense 2014”, en concreto, a denominada Carreira do Corpus no que participaron decenas de deportistas de toda a comunidade. Na mesma o club verinense volver a realizar un excelente papel e obtivo catro victorias no programa matutino, por parte de Marina Moredo, Xoel Gago, Antía Castro e Fiz Losada.

Os resultados foron:

1. Carrera de Pitufos (100 metros).
Marina Moredo: 1ª
Asier Salgado
Alexia Dapía
Miriam Estévez

2. Carrera Benxamín (1.000 metros).
Xoel Gago: 1º – 03’43”
Kiara Salgado: 3ª – 04’51”

3. Carrera Alevín (1.000 metros).
Antía Castro: 1ª – 04’00”
Gisela Dapía: 4ª – 04’19”
Naiara Parada: 7ª – 04’31”
Sofía Rodríguez: 8ª – 04’45”
Sara Moredo: 12ª – 05’07”
Anxo Losada: 4º – 03’55”
Paulo Simón: 8º – 04’17”
Andrés García: 11º – 04’25”

4. Carrera Infantil (2.800 metros).
Fiz Losada: 1º – 10’39”
Guillermo Feijoo: 4º – 11’33”
Sofía Morillo: 4ª – 13’25”

5. Carrera Cadete (2.800 metros).
Ana Fornos: 6ª – 13’56”

Desde o Concello de Verín dase a noraboa a todos os/as deportistas das EDC Verín polos excelentes resultados deportivos ao longo da tempada 2013-2014.