Ferrol acolle novas xornadas formativas para a mellora da calidade turístico en destino

A Concellería de Turismo do Concello de Ferrol, que dirixe María del Carmen García Fraga, informa de que esta semana se celebran novas xornadas formativas para as empresas adheridas ao Sistema Integral de Calidade Turística Española en Destino (SICTED). O proxecto está promovido polo Concello de Ferrol e se desenvolverá no Hostel Carrís Almirante.

Juan Miguel Moreno Magaña, experto en calidade e innovación aplicada ao sector turístico, inicia esta tarde a primeira das dúas sesións do obradoiro gratuíto sobre “Uso de Dispositivos Móbiles para a Promoción e Comercialización de Servizos Turísticos”. A actividade comezará ás 19.30 horas no Hotel Carrís Almirante. Este obradoiro, que continúa mañá, aborda aspectos como a xestión de clientes difíciles, o marketing turístico ou a lexislación turística.

Actualmente, un total de 41 empresas e organizacións do municipio, pertencentes a diferentes subsectores (hostalería, taxistas, empresas de transporte, aloxamentos turísticos, comercios…), participan neste proxecto. Así e como informa a edil de Turismo, 13 das empresas son novas e esperan conseguir o distintivo que recoñece o seu compromiso coa calidade e a atención aos seus clientes a finais do ano e tras superar as avaliacións pertinentes.