Emprázate chega a Soutomaior

Campaña de dinamización dos Mercados e promoción dos produtos de pesca.

Mercado de Arcade – Martes 24 de Xuño – 11,30 Horas

GAC Ria de Vigo

Con esta iniciativa preténdese promocionar os mercados municipais como dinamizadores da súa área de influencia e promocionar a excelencia dos produtos do mar incentivando o seu consumo san e responsable.

Mostraranse os beneficios e propiedades nutricionais dos produtos do mar, mediante unha exposición na que se diferenciarán as distintas especies e achegarase aos visitantes aos distintos postos para que poidan observar como elaborar un sinxelo menú.

Ademais os máis pequenos terán o seu Obradoiro particular converténdose en mariñeiros e mariscadores por un día con distintos talleres nos que aprenderán pescando ou investigando na area

Finalmente os asistentes poderán gozar da degustación dun “petisco placeiro pracenteiro”