Echegoyen e Betanzos no FX da semana olímpica de Kiel

Tamara Echegoyen e Berta Betanzos no podio

Gran xornada en Kiel para o Equipo Olímpico Español de Vela, finalizando a semana olímpica co brillo dourado da medalla obtida por Támara Echegoyen e Berta Betanzos (Movistar) RCN Sanxenxo/RCM Santander, na clase FX.

Hoxe disputábanse as Medal Race, co tándem galego/cántabro terceiras na listaxe xeral, empatadas a puntos coas segundas, a alemás Vitoria Jurczok e Anika Lorenz. Pero o dueto español do 49er feminino foi mellor na auga, rexistrando uns parciais de 3-2-7 que desbancaron ás líderes, a tripulación danesa de Jena Mai Hansen e Katia Salskov-Iversen. Finalmente, as alemás foron terceiras, as danesas segundas e o cetro levárono as españolas, un premio ao seu esforzo e un extraordinario agasallo de aniversarios para o seu adestrador, o galego Pepe Lis, que hoxe tivo un gran motivo para celebralo.

O outro tándem español, o formado pola catalás Aura Miquel, do CN Arenys de Mar, e Silvia Roca, do Club Náutic L´Escala, (Sandiline-Dr. Sails-Harken), finalizaba onte a súa participación no posto 16.

En 49er Masculino, gran xornada tamén para os irmáns Alonso, Federico e Arturo (El Gaitero) do Real Club Astur de Regatas, que deixaron un bo pouso en Kiel, finalizando quintos na Medal Race, un resultado bo, tras o seu período de adaptación aos escenarios olímpicos, tras a operación de Federico. Felicitacións tamén, para o seu adestrador olímpico, o malagueño Carlos Chamas.

Hoxe os asturianos rexistraron un 1-10-2, quedando a dous puntos do podio. O Ouro foi para a tripulación xermana de Heil Erik. A Paz (Deporte Galego-Dip. Pontevedra-Zhik-Cousin) do Liceo Casino de Vilagarcía, terminaban onte como líderes do Grupo Prata.

A próxima cita para ambas as clases será en Santander, no transcurso do mundial de clases olímpicas Santander 2014.