Diego Calvo asegura confiar totalmente na inocencia do alcalde de Ferrol

O presidente da Deputación da Coruña e concelleiro ferrolano, o popular Diego Calvo, manifestou, tras declarar como testemuña ante a xuíza instrutora da ‘Operación Pokémon’, que segue “confiando totalmente na inocencia do alcalde de Ferrol”, José Manuel Rey Varela.

En declaracións aos medios tras comparecer sobre uns 20 minutos ante a xuíza Pilar de Lara Cifuentes, Calvo indicou que esta lle pediu identificar a algunha persoa, ao que el lle dixo “quen era e nada máis”.

Preguntado acerca de se lle interrogaran sobre supostos subornos e regalos respondeu cun “si” e, á cuestión de se atribúe a súa comparecencia ao seu cargo de presidente provincial ou de edil ferrolano, sinalou que non o descoñecía.

Calvo manifestou que respondeu “por suposto” a todas as preguntas formuladas pola xuíza e expresou que espera que se “resolva canto antes”.