Concerto de MOXENAS e estreo da Alborada “Camiño da Rosa” como broche final dos concertos das Festas da ROSA

Moxenas Musical Galego formouse no ano 2003 como homenaxe ao mítico gaiteiro Nazario González Moxenas. Trátase dunha anovadora proposta musical que reúne a 35 músicos mozos, cunhas idades comprendidas entre os 11 e os 23 anos. Baixo a dirección de Xosé Oliveira, compoñente de Noitarega, o orixinal formato de Moxenas Musical Galego baséase nunha persoal mestura de instrumentos tradicionais galegos (gaitas, pandeiretas, frautas…) e contemporáneos (saxo, teclados, clarinetes, baixo eléctrico, guitarra acústica, mandolina e yembés). O seu repertorio conta con algunhas das obras musicais máis senlleiras da música galega e tamén interpretan composicións contemporáneas de diversos autores.

O espírito deste proxecto bebe das fontes da tradición galega, mais tentando abranguer varios conceptos modernos e iso nótase á hora de escoitar a unha formación que soa ben e fai as interpretacións con elegancia e gusto.

Compre destacar que o concerto contará cunha parte moi especial, co acompañamento musical de todos os gaiteiros das Asociacións de Mos que levan varios meses a preparar a alborada composta por Xulio Lorenzo “Camiño da Rosa” e que no ensaio xeral de onte tivo o xesto de entregar a partitura á concelleira de Cultura mosense, Sara Cebreiro

Cebreiro, agradecida ‘por un regalo tan especial’, apostou porque a Alborada o igual que a “Muiñeira de Mos” ‘ composta polo mesmo artista, chegue a ser unha peza moi famosa y trascenda na historia da cultura gallega.

Xulio ten 33 años.é natural da parroquia de Louredo, Mos, e comezou a sua carreira musical ós 12 anos. Na actualidade ademáis de compoñer, toca a gaita e a frauta e participa activamente das actividades culturais de varios concellos co seu grupo “XABENGA”