Compromiso por Galicia solicita a dimisión inmediata do rexedor de Ferrol

O secretario xeral de Compromiso por Galicia, Xoán Bascuas, solicita a “dimisión inmediata” do alcalde de Ferrol, José Manuel Rey Varela, tras ser chamado en calidade de imputado pola xuíza Pilar de Lara por un presunto delito de suborno dentro da chamada Operación Pokémon.

Ao seu xuízo, hai que diferenciar a “inocencia penal da inocencia política”, e, sen meterse nos traballos dos xuíces, asume que os representantes públicos “deben dar exemplo, dignificar as institucións e dar exemplo de transparencia”.

Desta forma, por “hixiene democrática, por falta de credibilidade e para poder defenderse mellor, Rey Varela debe dimitir”. Neste sentido, Bascuas incidiu en que “se de verdade quere algo á cidade, debería marchar”.