Comeza a programación de verán nos Museos Científicos da Coruña

O Concello, a través da área de Cultura que dirixe Ana Fernández, informa de que os Museos Científicos Coruñeses comezan mañá a súa programación de verán. Así, entre mañá 1 de xullo e o 31 de agosto, o horario será o seguinte:

– Casa das Ciencias e Domus: de luns a domingo, de 10.00 a 20.00 horas.

– Aquarium Finisterrae: de luns a domingo, de 10.00 a 21.00 horas (o acceso péchase ás 20.00 horas).

Ademais, a maiores dos contidos habituais, o tres centros programaron actividades especiais para tempada estival:

Na Casa das Ciencias haberá sesións de planetario todos os días:

– 11.00 horas: A noite do vampiro, para nenos de 4 a 10 anos.

– 12.00 horas: Noite estrelada no museo, para menores a partir de 10 anos.

– 13.00 horas: Bacteria mutante, de 4 a 8 anos.

– 17.00 horas: A nena que sabía camiñar ao revés, de 5 a 7 anos.

– 18.00 horas: Unha noite de verán, sesión en directo para recoñecer as estrelas e constelacións que poden verse a primeira ollada, recomendada a partir de 10 anos.

– 19.00 horas: Noite estrelada non museo, a partir de 10 anos.

Ademais, do 8 ao 13 de agosto, a sesión das 18.00 horas será Chegan as Perseidas!, dirixida a nenos e nenas maiores de 10 anos. Trátase dunha sesión en directo para aprender a gozar da choiva de estrelas fugaces máis esperada do ano. Tamén se celebrará esta sesión os días 11, 12 e 13 de agosto ás 13.00 horas.

A visita á Domus incluirá talleres de disección, unha actividade na que os educadores do museo convocan ao público no Laboratorio Aberto, espazo no que se realizarán disecciones de corazón e ollos de porco. Haberá disecciones de corazón ás 12.15 e 17.15 horas, e disecciones de ollo ás 13.15 e 18.15 horas. Cada sesión contará cun aforamento limitado de 28 persoas.

Tamén na Domus, todos os sábados de xullo, agosto e setembro ás 17.00 horas, haberá talleres de arte prehistórica dirixidos a familias con nenos maiores de 8 anos e nos que os participantes poderán aprender a pintar como os antigos habitantes de Atapuerca. Para participar nesta actividade hai que inscribirse enviando un correo electrónico á dirección domus@casaciencias.org, indicando o nome do adulto e dos nenos participantes así como as idades dos nenos e un correo electrónico de contacto. Poden participar dous nenos maiores de 8 anos por cada adulto. A actividade é gratuíta debendo de abonar unicamente a entrada correspondente ao museo.

Pola súa banda, no Aquarium Finisterrae celebraranse cada día as seguintes actividades.

– Ás 11.00 e 17.30 horas: Visita guiada polas instalacións que inclúe os grandes acuarios da Sala Maremagnum, a exposición Muuultiplicaos, a actividade de alimentación das focas e a visita ao Nautilus.

– 11.30 horas: Falando cos peixes (luns, mércores e venres); unha actividade na que o público pode facer preguntas a un submarinista mergullado no Nautilus e que inclúe tamén o espectáculo de alimentación das quenllas.

– 12.00 e 18.00 horas. Alimentación das focas, que inclúe unha charla divulgativa sobre estes mamíferos mariños.

– 13.00 e 19.00 horas: Taller infantil Quenllas e Raias, na Charca das Caricias, unha actividade para aprender a distinguir estes dous tipos de peixes cartilaginosos, identificar como é a súa pel a través dun microscopio e aprender algunhas nocións básicas sobre a súa bioloxía e conservación.