Catorce alumnos de Vilagarcía acceden á escola infantil de verán durante os meses de xullo e agosto

O servizo de verán da Escola Infantil Municipal acollerá este ano a catorce nenos e nenas que poderán acceder ao centro durante os meses de xullo e agosto aproveitando as vacantes que deixan alumnos matriculados que non acudirán ao centro aproveitando as vacacións dos pais. Con esta medida, a área de servizos Sociais Municipais pretende sacar o máximo rendemento ao funcionamento da Escola Infantil Municipal que segue funcionando durante o verán, á vez que ofrecer máis alternativas de conciliación favorecendo que máis familias poidan beneficiarse do servizo.

A lista definitiva de nenos e nenas seleccionados pódese consultar nas dependencias de Servizos Sociais e no taboleiro de anuncios da web municipal. Os beneficiarios deberán formalizar a matrícula no propio centro antes do 1 de xuño, data na que comeza a funcionar a Escola Infantil de Verán.

Os catorce alumnos que acceden ao centro durante a temporada estival farano en horario de mañá e tarde. Entre os cativos admitidos hai 2 bebés, 8 nenos do grupo de 1 ano e 4 do grupo de 2 anos.