Canella: “Estou contento por xogar en Primeira e nun bo equipo como é o Deportivo”

Roberto Canella na súa chegada ao Depor

Roberto Canella asegurou ante os medios de comunicación na Coruña estar “contento por xogar en Primeira, onde xoguei catro anos, e nun bo equipo como é o Deportivo”. Recoñeceu, iso si, que lle custou tomar a decisión de saír do Sporting, onde milita desde os once anos de idade.

O lateral zurdo asturiano completou na tarde noite de xoves a primeira fase do recoñecemento médico co Deportivo. Tras chegar en coche á Coruña, pasouse en primeiro lugar polo hospital Modelo para un estudo radiolóxico.

O seu seguinte paso foi o Instituto Traumatológico Arriaza e Asociados, no barrio coruñés de Matogrande; e acabou a xornada no INEF Galicia, coas probas físicas.

Hoxe, á primeira hora, terá analítica e estudo cardiológico de novo no hospital Modelo.