Arranque do Campionato de España de Surf por Equipos Autonómicos en Doniños

Desde primeira hora deste luns 30 de xuño dá comezo o tan esperado Campionato de España de Surf no areal de Doniños en Ferrol, con máis de 300 surfeiros de diferentes Comunidades Autónomas que até o día 6 de xullo demostrarán a súa destreza sobre as ondas en diferentes modalidades

O campionato de España de Surf 2014, empeza cunha competición en grupos de dous días de duración na que seis equipos autonómicos disputaranse o primeiro posto. Galicia, Cantabria, Andalucía, Canarias, Asturias e Valencia. As tres primeiras repetindo como segundo ano consecutivo neste campionato por equipos retomado o pasado ano no areal de Doniños, e as dúas últimas, Asturias e Valencia uníndose este ano.

O evento con maior número de participantes a nivel nacional foi organizado pola Federación Española de Surf, a única con sede en Ferrol, e conta co patrocinio da concellaría de Deportes da cidade naval que preside Susana Martínez Galdós.

En total disputaranse 36 horas de competición. O luns e o martes entre o seis selecciones autonómicas e, a partir do mércores e até o domingo, será a quenda da gran final individual en todas as categorías: Surf Open, Surf Feminino, Surf Sub 18, Surf Sub 16, Surf Sub 14, Bodyboard Open, Bodyboard Sub18, Bodyboard Sub16, Bodyboard Sub14, Bodyboard Feminino, Longboard Open, Sup Ondas Open, Sup Ondas Feminino e Kneeboard.

Os horarios e días de competición exactos dependerán das condicións de mar e iranse actualizando segundo téñanse as previsións. Non se descarta a realización dun dobre pódium nalgunha xornada puntual.

A previsión de ondas é moi favorable para o desenvolvemento do campionato a partir do mércores.