Apertura do prazo de solicitude para o programa de balnearios “Saúde e benestar”

As solicitudes pódense presentar na Concellería de Benestar ata o próximo 2 de xullo. A concelleira de Benestar e Emigración, Mª Paz Pérez Asorey, informa que a Deputación de Pontevedra aprobou a apertura de prazo para participar no programa de balnearios “Saúde e Benestar”, contribuíndo desta maneira ao fomento do envellecemento activo e a mellorar a calidade de vida dos nosos maiores. Trátase de estancias de seis días e cinco noites nun hotel con spa, balneario ou instalacións similares da provincia de Pontevedra, en réxime de pensión completa, con traslados desde os concellos de orixe, actividades de animación e visitas guiadas.

Poderán ser beneficiarios as persoas nacidas antes de 1964, pensionistas da seguridade social e persoas que precisen dun respiro familiar mediante un informe do/a traballador/a social.

Os establecementos ofertados, cos seus prezos para os días 5 días son:

Spa Via Argentum, Silleda 155 €

Spa Nanín Playa, Sanxenxo 155 €

Spa Norat O Grove 170 €

Spa Oca Galatea, Sanxenxo 190 €

Spa Carlos I Silgar, Sanxenxo 195 €

Talaso Atlántico, Oia 205 €

Gran Talaso de Sanxenxo 205 €

Balneario Hesperia Isla La Toja 210 €

Talaso Louxo La Toja 215 €

As solicitudes pódense presentar ata o 2 de xullo na Concellería de Benestar e Emigración.