Alumnos do CPI Cernadas de Castro fan sendeirismo polo monte Culou e as fervenzas do río San Xusto

Alumnos e alumnas do primeiro ciclo de Primaria do CPI Cernadas de Castro (Lousame) fixeron unha pequena ruta de sendeirismo polo municipio. A expedición saíu do miradoiro situado no cumio do Monte Culou, dende onde puideron ver unha vista panorámica das terras de Lousame e da ría de Muros e Noia ao fondo. Guiados polos seus mestres, os rapaces e rapazas dirixíronse cara o río San Xusto, onde visitaron as fervenzas e o mosteiro de San Xusto de Toxosoutos. Esta é a segunda saída do alumnado do CPI Cernadas de Castro. A anterior tivo lugar o pasado mes de maio e estivo protagonizada polos rapaces de secundaria, que fixeron un percorrido entre os montes Iroite e Curota.