Algunhas actividades do Programa Deportivo de Verán en Monforte aínda dispoñen de prazas libres

O concello de Monforte deseñou un amplo e variado programa de actividades de carácter lúdico e deportivo, dirixido a persoas de tódalas idades, e que se levará a cabo durante os meses de xuño, xullo e agosto.

As concellerías de Deportes e Benestar Social son as responsables deste programa. A maior parte das actividades teñen un custo mínimo para as persoas participantes, agás as Actividades Dirixidas ó Aire Libre, que serán totalmente gratuítas e non precisan de inscrición previa. Estas actividades comezan o próximo martes día 1 de xullo e desenvolveranse ata o día 8 de agosto. As persoas maiores de 16 anos poderán participar de sesións gratuítas de Tai Chi, Ioga, Dalle Ritmo e Fitball, actividades que se levarán a cabo en horario matinal no parque dos Condes e no Malecón.

O prazo de inscrición para participar nas demais actividades comezou o martes día 3 de xuño, sendo posible anotarse ata que se esgoten as prazas de cada unha delas. As prazas libres das que aínda se dispón son as seguintes:

Campamento de verán: cubertas tódalas prazas da primeira quincena (125), pero quedan 28 prazas libres para a segunda quincena de xullo.

Campus de Baloncesto: dispón de 17 prazas libres.

Campus de Voleibol: quedan 27 prazas libres.

Cursos de Tenis: o curso do mes de xullo dispón de 19 prazas libres, e o do mes de agosto de 18 prazas vacantes.

Na Piscina Municipal realizaranse actividades acuáticas, aeróbic e aerobike, tanto para adultos como para rapaces e rapazas. Nestas actividades disponse de prazas libres e para anotarse deberán porse en contacto coa propia instalación deportiva (Tlf.- 982-40-38-09).

Actualmente desenvólvese o Campus Futbol Sala, actividade que remata este venres día 27, mentres que o Campus de Futbol completou as 110 prazas das que dispuña.

Para máis información e inscrición deben dirixirse ás oficinas municipais de Deportes ou Xuventude, situadas nas Casiñas da Compañía, de luns a venres entre as 9:00 e as 14:00 horas.

Un dos obxectivos primordiais que persegue este programa é contribuír á conciliación da vida laboral e familiar durante o período de vacacións dos máis pequenos.