Alex Vidal e Santi Malvar participarán no Campionato do Mundo de Parataekwondo en Moscú

Esta fin de semana (21 e 22 de xuño) celebrarase en Moscú (Rusia) o V Campionato do Mundo de Parataekwondo, coa presenza dos galegos Alex Vidal (Natural Sport Ribeira) e Santi Malvar (Mace Sport). Alex Vidal defende o título de campión do mundo. Nesta quinta edición do Mundial haberá importantes novidades, xa que por vez primeira incorpórase á practicantes con discapacidade intelectual na modalidade de técnica. Ata o de agora só competían deportistas con minusvalía no tren superior na modalidade de combate. En total participarán neste torneo 121 deportistas que representan a 40 países de todo o mundo. Galicia estará representado por dous importantes deportistas, ambos con resultados a nivel internacional. Alex Vidal é o máis veterano, xa que leva dúas medallas de prata e dous ouros no Mundial. Logrou o título por vez primeira en 2012 en Aruba e repetiu no 2013 en Suíza. Pola súa banda, Santi Malvar, que comezou a competir máis tarde, logrou a medalla de bronce en Aruba, pero non puido subir ao podio no ano 2013.