A produtora do musical Pegados cancela a función no Teatro Colón

A produtora do musical Pegados acaba de cancelar a función prevista para mañá venres 20 ás 21.30 horas. A cancelación prodúcese de maneira unilateral e en contra da opinión e o desexo do teatro.

O Teatro Colón quere manifestar o seu desacordo con esta cancelación que supón, ademais, o incumprimento do contrato asinado entre a produtora e o espazo exhibidor. O promotor do evento neste caso é a produtora  e non o teatro, e será a produtora a que deba resolver as reclamacións e esixencias que se derivan da cancelación. O Teatro Colón disponse a denunciar a dita produtora por incumprimento de contrato e informa que aquelas persoas que adquirisen entradas para este espectáculo poden pedir a devolución do importe a través da mesma canle pola que se realizou a compra.