A evolución da campaña de abonados reflicte o empuxe do celtismo

A campaña de abonados para a tempada 2014/2015 cumpre dúas semanas con datos que desvelan o firme empuxe do celtismo e o seu respaldo ao club. Desde a súa posta en marcha, renovaron o seu carné máis de 2.050 abonados e rexistráronse ademais unhas 380 altas. O club reitera aos seus abonados e afeccionados que renoven e déanse de alta canto antes para gozar das vantaxes da actual campaña e evitar as longas colas que se producen de maneira habitual nos días previos ao peche.

A campaña 2014/2015 inclúe entre as súas principais novidades a creación do carné ‘Sub-25’ en lugar do ‘Sub-24’, vixente a pasada tempada, e un desconto do 5% para as renovacións tramitadas antes do 11 de xullo, rebaixa acumulable ás vantaxes “Familiares” ou “Accionistas” até un máximo aplicable do 15%.

 Outro dos puntos destacados da campaña é a inclusión da categoría ‘Sub-25’ na bancada de Tribuna, onde até agora só existían prezos para ‘Adulto’, ‘Sub-15’ e ‘+65’. 

O club premiará ademais aos abonados e afeccionados que tramiten o seu carné con celeridade. Os celtistas que renoven ou se dean de alta antes do día 11 de xullo non pagarán suplemento algún nos partidos designados como ‘Día do Club’, un mínimo de tres.

Os abonados do RC Celta continuarán gozando de numerosas vantaxes co seu carné, como o acceso gratuíto ao campo de Barreiro para seguir o partidos do filial, o desconto na tenda oficial do club e en patrocinadores oficiais ou a participación en atractivos sorteos ao longo de toda a tempada.

Os abonados celestes disporán tamén de diferentes opcións para abonar o custo do carné da maneira que mellor se adapte ás súas necesidades coa Tarxeta Comercio e Visa Novagalicia Banco (até 3 meses sen intereses) ou con Credicelta (até 12 meses cunha pequena recarga).

A campaña inclúe os habituais descontos a accionistas e familias. Os abonados cos carnés domiciliados recibirán o cargo a partir do día 25 de xuño. A cota de alta será similar á da tempada pasada: 85 euros para a categoría adulto e 45 euros para o resto.

As renovacións e altas pódense tramitar tanto nas oficinas de abonados, situadas no estadio de Balaídos como a distancia, as 24 horas do día e dunha forma rápida e sinxela, a través da oficina de abonados virtual: http://www.celtavigo.org/abonosCelta