A dirección autonómica do PPdeG reúne aos edís composteláns condenados por prevaricación

Chegada dos edís composteláns á sede rexional do PPdeG

A dirección autonómica do PP galego reuniu na súa sede rexional aos sete edís de Santiago de Compostela condenados a nove anos de inhabilitación especial por un delito de prevaricación.

Todos eles chegaron ás 17,30 horas e entraron xuntos na sede, salvo a responsable de Persoal, Amelia González, que o fixo uns minutos despois.

A sentenza, que condena aos sete edís por autorizar o pago da defensa de Adrián Varela -imputado na ‘Operación Pokémon’- coñeceuse este luns nunha xornada na que o presidente da Xunta e do partido, Alberto Núñez Feijóo, se atopa de viaxe en Xapón.

Fontes do PPdeG consultadas, rexeitaron confirmar si á reunión asistirá o secretario xeral do PPdeG, Alfonso Rueda, ou algún outro dirixente da cúpula popular.

Pola súa banda, o edil Juan de la Fuente declinou confirmar que fosen convocados pola dirección galega e limitouse a cualificar de “inxusta” a sentenza coñecida este luns, respecto da que asegurou que “non esperaba” que se ditase neses termos.