A décima edición do Directo Xove de Cangas chega ao seu fin co concerto de “I+D”

Tras oito semanas de música o “Directo Xove 2014” chega ao seu fin coa actuación do grupo “I+D” (Inspiración y Desahogo) que mañá porán o punto e final a esta décima edición do certame musical.

Este grupo de Hip-Hop, formado por Abraham e Ricardo, comezou a dar os seus primeiros pasos no ano 2011debutando cun concerto no pub cangués “Malas Compañías” .

O Directo Xove 2014 foi todo un éxito. Por el pasaron os grupos Nortada, Reynier Aldana Band, The Black Trails, Peri & Pecvs, Oceakos, Tales of Monkeys, Glitter e este venres será a quenda de I+D.

A próxima semana coñecerase o nome dos tres grupos participantes nesta décima edición que actuarán no festival de clausura do Directo Xove, que se celebrará o vindeiro sábado 21 de xuño na explanada de Ojea.