A Coral Polifónica Atalaia de Laxe actuará en Aveiro

Este último fin de semana de xuño, a Coral Polifónica Municipal Atalaia de Laxe desprazarase ata Aveiro-Portugal onde actuará no marco do CONCERTO CORAL XLV ANIVERSARIO DA CORAL VERA CRUZ DE AVEIRO – PORTUGAL.

A actuación terá lugar o sábado 28 de xuño ás 16 horas nos Claustros do Museo de Aveiro.

Ademais da nosa coral, participarán no concerto tamén as seguintes formacións ou masas corais:

– CORAL VERA CRUZ- AVEIRO

– GRUPO CORAL OS ALENTEJANOS DO CARTAXO

A nosa coral levará ata o país veciño un amplo repertorio composto por un total de 7 temas, entre os que se atopan:

– 1ª CANTIGAS DA TERRA E DO MAR

– 2ª LA NUIT

– 3ª BALAIAO

– 4ª LA SIRENA

– 5ª BULLERENGUE

– 6ª PALOMA MENSAJERA

– 7ª FOLIADA DO RUEIRO

A saída dos e das coralistas de Laxe está programada para as 7:00 horas da mañá do mesmo sábado con rumbo directo ó hotel onde se aloxarán para logo xantar e xa prepararse para o concerto.

Mais despois do concerto, os/as nosos/as coralistas, terán tamén tempo para o lecer e o esparcimento polo país veciño. En concreto, o domingo teñen previsto facer unha viaxe en barco percorrendo os canais da “Veneza portuguesa” e posteriormente, dirixiranse a Viana do Castelo onde terán o xantar. Pola tarde, e xa de camiño de regreso, farán unha parada turística en Tui.

Mais eiquí non remata o programa de actuacións da nosa Coral Polifónica Municipal Atalaia de Laxe. Nos vindeiros meses do ano, a coral terá outras citas importantes, como son:

No vindeiro mes de xullo, como de costume, formará parte directa, xunto co Departamento de Cultura do concello da organización e coa Asociación de Amigos da Coral Polifónica Municipal Atalaia de Laxe, no XII Certame da Canción Mariñeira que terá lugar en Laxe, o domingo 27, onde nos sorprenderá con novos temas.

En agosto, en concreto o sábado 2, viaxarán ata Cedeira formando parte do Concerto que terá lugar neste concello e tan só, unhas semanas despois, o 20 de setembro, actuará na Illa de San Simón en Redondela.

Para rematar o ano, e de momento, a Coral Polifónica Municipal terá outras dúas actuacións: o sábado 22 de novembro estará no Festival de Santa Cecilia en Bertamiráns e en decembro tomarán parte activa no Festival de Panxoliñas que terá lugar no Concello de Laxe o sábado 13.