A Concellaría de Muller de Pontevedra repetirá o exitoso campionato de baralla no vindeiro curso

A Concellaría de Muller rematou o pasado fin de semana o Campionato de baralla para mulleres “Cantando as corenta”, que se desenvolveu ao longo de cinco meses nas parroquias de Salcedo, Cerponzóns, e nos barrios de Monte Porreiro e da Parda. As mulleres que se incorporaron a este campionato competiron entre si nas modalidades de brica e de tute.

Na final, celebrada o pasado sábado na sede do Mercantil, na praza de Curros Enríquez, resultaron gañadoras:

• Campionato de Brisca. Primeiras: Natalia Pedreira Gonzalez, Esther Bujarín e Esther Ocasar Moratinos, do bariro de Monteporreiro.

• Segundas en brisca: Maruja Bea, Remedios Barragáns e Adelaida Paz, da parroquia de Cerponzóns.

• Campionato de Tute: Primeiras: Sara Acebedo e Carmen Alonso, do barrio de Monte Porreiro

• Segundas en tute: Josefina Pérez e Esperanza, da parroquia de Cerponzóns.

A Concellaría de Muller a través destes programas procura manter espazos propios para as mulleres. De feito, de cara ao vindeiro curso, comezará a segunda edición deste campionato, no que é posibel que se incorporen outros barrios ou parroquias.